巨人

哥哥張國榮喺佢嘅名曲“明星”裏面留低一句，“當你見到天上星星，可會想起我？” 20年過去，而我哋仍然無法忘記兩位已故嘅歌者、演員、藝術工作者、巨星，梅姐梅艷芳同哥哥張國榮。

梅艷芳作爲香港粵語流行曲嘅一代天后，被譽爲“香港女兒”以及“東方麥當娜“，同時多次被提名並獲得電影最佳女主角。

張國榮亦係粵語流行曲最傑出嘅先驅之一，喺80年代打造出廣東歌獨一無二嘅味道，而喺90年代轉戰影壇亦獲得廣泛認可。

梅姐同哥哥代表咗香港電影嘅黃金時代，佢哋嘅存在亦係電影工業最好嘅印記，佢哋嘅作品喺離世20之後嘅今日仍然有巨大影響力而成爲香港嘅一部分。

首届銀幕香港電影節，將會通過展示幾部佢哋嘅電影作品去表彰佢哋對香港電影工業嘅貢獻。希望透過佢哋嘅電影能夠為你展現香港不同嘅面貌，同時向你表達：我哋係香港！